2019 శాంతి మంత్రాలు
శాంతి మంత్రాలు
(26_3_18)
7) ఓం వాఙ్మే మనసి ప్రతిష్ఠితా మనో మే వాచి ప్రతిష్ఠిత
మావిరావీర్మ ఏధి ! వేదస్య మ అణీస్థః !
శ్రుతం మే మా ప్రహాసీరనేనా ధీతేనాహోరాత్రాన్
సందధామృతం వదిష్యామి ! సత్యం వదిష్యామి !
తన్మామవతు ! తద్వక్తారమవత్వతు !
మామవతు వక్తారమవతు వక్తారమ్ !!
ఓం శాంతిః శాంతిః శాంతిః !!
ఉన్నత జీవితాన్ని ఆకాంక్షించే వారికి మనస్సు వాక్కు ఒక్కటిగా
ఉండడం అత్యావశ్యకం. బాహ్యాంతరాలు ఒకటిగా ఉండే స్థితికై
ప్రార్థించే మంత్రమిది.
ఈ మంత్రం ఐతరేయ ఉపనిషత్తుకు శాంతిమంత్రం గా ఒప్పారుతున్నది.
మే = నా, వాక్ = వాక్కు , మనసి = మనస్సులో, ప్రతిష్ఠితా = ప్రతిష్ఠితం
అగుగాక, మే మనః = నా మనస్సు, వాచి = వాక్కుతో, ప్రతిష్ఠితం =
ప్రతిష్ఠితమగుగాక, ఆవిః = ప్రకాశమానమైన పరమాత్మా, మే = నాలో,
ఆవిః ఏధి = ప్రకాశింౘుగాక, మే = నాకు, వేదస్య = వేదాల యథార్థాన్ని,
ఆణీస్థః = తీసుకొస్తారుగాక, మే శ్రుతం = నేను విన్నవి, మా ప్రహాసీః =
నన్ను వీడకుండా వుండుగాక, అనేన అధీతేన = నేర్చుకున్న వాటిని,
అహః రాత్రాన్ = రాత్రిబవళ్ళు, సందధామి = అనుసంధానం చేస్తాముగాక,
ఋతం వదిష్యామి = నేను వ్యావహారిక సత్యాన్ని పలుకుతాను గాక,
సత్యం వదిష్యామి = నేను పారమార్థిక సత్యాన్ని పలుకుతాను గాక,
తత్ = ఆ భగవంతుడు, మాం = నన్ను, అవతు = కాపాడుగాక,
తత్ = ఆ భగవంతుడు , వక్తారం = గురువును, అవతు = కాపాడుగాక,
అవతు మాం = నన్ను కాపాడు గాక, అవతు వక్తారం = గురువును కాపాడుగాక.
నావాక్కు మనస్సు లో ప్రతిష్ఠితమగునుగాక. మనస్సు వాక్కు లో
ప్రతిష్ఠితమగునుగాక . ప్రకాశమానమైన పరమాత్మా ! నాలో ప్రకాశించెదవు
గాక. మనస్సు వాక్కు రెండూ వేదాల యదార్థాన్ని నాకు తీసుకొనివస్తాయి
గాక. నేను విన్నది యావత్తూ నన్ను వీడకుండా ఉండుగాక ! నేర్చుకున్న దానిని
నేను రేయింబగళ్ళూ యోచిస్తాను గాక ! నేను వ్యావహారిక సత్యాన్ని
పలుకుతానుగాక, పారమార్థిక సత్యాన్ని పలుకుతాను గాక ! ఆ భగవంతుడు
నన్ను కాపాడుగాక, గురువును కాపాడుగాక, నన్ను రక్షింౘు గాక గురువును
రక్షింౘుగాక !!
Comments
Post a Comment