శ్రీ శివరక్షా స్తోత్రం - అభయంకర కవచము.

శ్రీ శివరక్షా స్తోత్రం - అభయంకర కవచము.

ఓం అస్యశ్రీ శివరక్షాస్తోత్ర మహామంత్రస్య 

యాజ్ఞ వల్క్య ఋషిః శ్రీ సదాశివో అనుష్టుప్ ఛందః

శ్రీ సదాశివ ప్రీత్యర్ధే శ్రీ శివరక్షా స్తోత్ర జపే వినియోగః

చరితం దేవదేవస్య మహాదేవస్య పావనం

అపారం పరమామోదం మహాదేవస్య పావనం 

గౌరీ వినాయకోపేతం పంచవక్త్రం త్రినేత్రకమ్

శివం ధ్యాత్వా దశభుజం శివరక్షాం పఠేన్నరః

గంగాధర శ్శిరః పాతు ఫాల మర్ధేందు శేఖరః

నయనే మదన ద్వంసీ కర్ణో సర్ప విభూషణః

ఘ్రాణం పాతు పురారాతిః ముఖం పాతు జగత్పతిః

జిహ్వం వాగీశ్వరః పాతు కంధరాం శశికంధరః

శ్రీ కంఠః పాతుమే కంఠం స్కందౌ విస్వదురంధరః

భుజౌ భూభార సంహర్తా కరౌ పాతు పినాకి ధృత్

హృదయం శంకరః పాతు జఠరం గిరిజాపతిః

నాభిం మృత్యుంజయః పాతు కటీవ్యాఘ్ర్యా జినాంబరః

సక్ధినీ పాతు దీనార్తః శరణాగత వత్సలః

ఊరూ మహేశ్వరః పాతు జానునీ జగదీశ్వరః

జంఘే పాతు జగత్కర్తా గుల్భౌ పాతు గణాధిపః

చరణౌ కరుణాసింధుః సర్వాంగాని సదాశివః

ఏతాం శివ బలోపేతాం రక్షాం యః సుకృతీ పఠేత్

స భుక్త్వా సకలాన్ కామాన్ శివ సాయుజ్య మాప్నుయాత్

గ్రహ భూత పిశాచాద్యా స్త్రైలోక్యే విచరంతి యే

దురా దాశుః పలాయంతే శివనామాభి రక్షణాత్

అభయంకర నామేదం కవచం పార్వతీపతేః

భక్త్యా భిభర్తి యః కంఠే తస్య వశ్యం జగత్త్రయమ్

ఇమం నారాయణః స్వప్నే శివరక్షాం యథా దిశత్

ప్రాతరుత్ధాయ యోగీంద్రో యాజ్ఞవల్క్యః తథాలిఖత్

ఓం శాంతిః శాంతిః శాంతిః