శ్రీదత్తాత్రేయ అష్టచక్రబీజస్తోత్రమ్
శ్రీదత్తాత్రేయ అష్టచక్రబీజస్తోత్రమ్
దిగంబరం భస్మసుగన్ధలేపనం
చక్రం త్రిశూలం డమరుం గదాం చ ।
పద్మాసనస్థం ఋషిదేవవన్దితం
దత్తాత్రేయధ్యానమభీష్టసిద్ధిదమ్ ॥ ౧॥
మూలాధారే వారిజపద్మే సచతుష్కే
వంశంషంసం వర్ణవిశాలైః సువిశాలైః ।
రక్తం వర్ణం శ్రీభగవతం గణనాథం
దత్తాత్రేయం శ్రీగురూమూర్తిం ప్రణతోఽస్మి ॥ ౨॥
స్వాధిష్ఠానే షట్దలపద్మే తనులింగే
బాలాన్తైస్తద్వర్ణవిశాలైః సువిశాలైః ।
పీతం వర్ణం వాక్పతిరూపం ద్రుహిణం తం
దత్తాత్రేయం శ్రీగురూమూర్తిం ప్రణతోఽస్మి ॥ ౩॥
నాభౌ పద్మే పత్రదశాంకే డఫవర్ణే
లక్ష్మీకాన్తం గరూఢారూఢం మణిపూరే ।
నీలవర్ణం నిర్గుణరూపం నిగమాక్షం
దత్తాత్రేయం శ్రీగురూమూర్తిం ప్రణతోఽస్మి ॥ ౪॥
హృత్పద్మాంతే ద్వాదశపత్రే కఠవర్ణే
అనాహతాంతే వృషభారూఢం శివరూపమ్ ।
సర్గస్థిత్యంతాం కుర్వాణం ధవలాంగం
దత్తాత్రేయం శ్రీగురూమూర్తిం ప్రణతోఽస్మి ౫ ॥
కంఠస్థానే చక్రవిశుద్ధే కమలాన్తే
చంద్రాకారే షోడశపత్రే స్వరవర్ణే
మాయాధీశం జీవశివం తం భగవంతం
దత్తాత్రేయం శ్రీగురూమూర్తిం ప్రణతోఽస్మి ॥ ౬॥
ఆజ్ఞాచక్రే భృకుటిస్థానే ద్విదలాన్తే
హం క్షం బీజం జ్ఞానసముద్రం గురూమూర్తిం
విద్యుత్వర్ణం జ్ఞానమయం తం నిటిలాక్షం
దత్తాత్రేయం శ్రీగురూమూర్తిం ప్రణతోఽస్మి ॥ ౭॥
మూర్ధ్నిస్థానే వారిజపద్మే శశిబీజం
శుభ్రం వర్ణం పత్రసహస్రే లలనాఖ్యే
హం బీజాఖ్యం వర్ణసహస్రం తూర్యాంతం
దత్తాత్రేయం శ్రీగురూమూర్తిం ప్రణతోఽస్మి ॥ ౮॥
బ్రహ్మానన్దం బ్రహ్మముకున్దం భగవన్తం
బ్రహ్మజ్ఞానం జ్ఞానమయం తం స్వయమేవ
పరమాత్మానం బ్రహ్మమునీద్రం భసితాఙ్గం
దత్తాత్రేయం శ్రీగురూమూర్తిం ప్రణతోఽస్మి ॥ ౯॥
ఇతి శ్రీమద్శఙ్కరాచార్యవిరచితం శ్రీదత్తాత్రేయ అష్టచక్రబీజస్తోత్రం సమ్పూర్ణమ్ ।
Comments
Post a Comment