జ్యోతిష్య శాస్త్ర పరిజ్ఞానము

ప్రారంభదశలో ఉన్న విద్యార్థికి సులభ పద్ధతిలో వ్రాసిన శ్లోకం ఇది.

శీర్షముఖ బాహు హృదయో

 దరాణికటివస్తిగుహ్య సంజ్ఞాని,

 ఊరూ, జానూజంఘే,

 చరణాది రాశయోZజాద్యాః 

 టీక : అజ + ఆద్యాః : మేషము మొదలుకొని

 రాశయః : రాశులు,

 శీర్ష : తల,

ముఖ : ముఖము,

 బాహు : బాహువులు,

 హృదయ : హృదయము,

 ఉదరాణి : ఉదరము,

 కటి : మొల,

 వస్తి : పొత్తికడుపు,

గుహ్య : రహస్యావయవములు,

 ఊరూ : తొడలు,

జానూ : మోకాళ్ళు,

జంఘే : పిక్కలు,

చరణీ : పాదములు,

ఇతి : అని 

సంజ్ఞాని : గుర్తులు.

తా || మేషము మొదలు 12 రాశులును వరుసగా 12 అవయవములకు చిహ్నములు, ఇందు శిరస్సు మొదలు గుహ్యము వఱకు గల 8 రాశులును అనగా, మేషము మొదలు వృశ్చికము వఱకు వేరుగను, మిగిలిన రాశులు వేరుగను చెప్పబడినవి. దానికి కారణమేమనగా మొదటి విభాగమయిన ఎనిమిది భావములును ప్రస్తుత జన్మకు సంబంధించినవి. మిగిలిన నాలుగును పూర్వ జన్మలతో సంబంధించినవి. అనగా భౌతికములకన్న వేరయిన రాశులును భావములును.