వ్య‌క్తిత్వ మ‌నోవికాస గీత‌.

                                                  ◆ ◆ ◆ ◆ ◆

         ★★వ్య‌క్తిత్వ మ‌నోవికాస గీత‌.★★

◆ ◆ ◆ ◆ ◆      

కలియుగ భ‌గ‌వ‌ద్గీత‌ - నెటి ఆధునిక గీతాసారం 

ఆధునిక కాలంలో ప‌ద్మ‌వ్యూహంలాంటి జీవితం నుంచి అర్థంకాని స‌గ‌టు మాన‌వుడికి శ్రీభ‌గ‌వానుడు మాదిరి ఉప‌దేశ‌మే ఈ వ్య‌క్తిత్వ మ‌నోవికాస గీత‌. 

దాయాదులైన కౌరవ పాండవుల యుద్ధంలో కర్తవ్య విమూఢుడైన అర్జునుడికి జ్ఞానం బోధించి, కర్తవ్యంవైపు నడిపించిన శ్రీకృష్ణ‌భ‌గ‌వానుడి ఉప‌దేశం భ‌గ‌వ‌ద్గీత‌.

1. అర్జునుడు :- నిత్య జీవితంలో ఖాళీ సమయంలేదు ఎందుకు? 

శ్రీకృష్ణ‌భ‌గ‌వానుడు :- కార్యాచరణతో ప‌నిచేస్తే ఫ‌లితం ల‌భిస్తుంది. ప్రణాళికాబ‌ద్ధంగా వ్య‌వ‌హ‌రిస్తే ఖాళీ స‌మ‌యం దొరుకుతుంది. 

2. అర్జునుడు:- జీవితం ఎందుకు ఇంత‌ సంక్లిష్టంగా మారింది?

శ్రీకృష్ణ‌భ‌గ‌వానుడు :- జీవితాన్ని విశ్లేషిస్తూ కూర్చుంటే సంక్లిష్టంగా మారుతుంది. జీవిస్తూ జీవితాన్ని ఆస్వాదించండి. వాస్త‌వానికి జీవితం చాలా స‌ర‌ళ‌మైన‌ది. దానిని మ‌న‌కి మ‌నం సంక్లిష్టం చేసుకుంటాం. 

3. అర్జునుడు :- మ‌న‌మంతా నిత్యం  సంతోషంగా ఉండ‌లేక‌పోతున్నామెందుకు?

:- ఈసురోమ‌ని మ‌నుషులుంటే దేశ‌మేగ‌తి బాగుప‌డునోయ్ అన్నారు గుర‌జాడ‌. 

శ్రీకృష్ణ‌భ‌గ‌వానుడు :-

రోజూ ఏడుస్తూ కూర్చుంటే సంతోషం ఎలా ల‌భిస్తుంది.

4. అర్జునుడు :- మంచివాళ్లే ఎప్పుడూ క‌ష్టాలు ఎందుకు ఎదుర్కొంటారు?

శ్రీకృష్ణ‌భ‌గ‌వానుడు :- కోయ‌కుండా వ‌జ్రం మెర‌వ‌దు. అగ్నిలో క‌ర‌గ‌క‌పోతే బంగారు ఆభ‌రణంగా మార‌దు. మంచివాళ్లు క‌ష్టాలెదుర్కొని..వాటిని ప‌రిష్క‌రించుకుని రాటుదేలి..వాటి నుంచి గుణ‌పాఠాలు నేర్చుకుంటారు. 

5. అర్జునుడు :- మంచివాళ్లు క‌ష్టాలు ఎదుర్కోవ‌డం మంచిదంటారా?

శ్రీకృష్ణ‌భ‌గ‌వానుడు :- ప్ర‌తీ క‌ఠిన‌మైన స‌మ‌స్య ఓ విలువైన పాఠం నేర్పే ఉపాధ్యాయుడిలాంటిది. పరీక్షని ఎదుర్కొంటే అదే గుణ‌పాఠంగా త‌రువాత ఉప‌యోగ‌ప‌డుతుంది. 

6. అర్జునుడు :- అనేక సమస్యల కారణంగా, దారి తెన్నూ తెలియ‌డంలేదు ఎలా? 

శ్రీకృష్ణ‌భ‌గ‌వానుడు :- కళ్లు దృష్టిని ఇస్తే... హృదయం మార్గం చూపుతుంది. మీ బ‌య‌ట చూడ‌టం కాదు..అంతః దృష్టితో చూడాలి ..స్ప‌ష్ట‌మైన మార్గం కనిపిస్తుంది.  

7. అర్జునుడు :- మ‌నం స‌రైన మార్గంలో వెళ్లినా, వైఫల్యం ఎదురై బాధిస్తే?

శ్రీకృష్ణ‌భ‌గ‌వానుడు :- ఇత‌రుల‌కు విజ‌యం కొల‌మానం. మ‌నకు సంతృప్తి మాత్ర‌మే కొల‌మానం.

8. అర్జునుడు :- కష్ట సమయాల్లో,  ప్రేరణ ఎలా పొందాలి?

శ్రీకృష్ణ‌భ‌గ‌వానుడు :- ఇంకా ఎంత దూరం వెళ్లాల‌నే ఆలోచ‌న మానేసి, ఇప్ప‌టివ‌ర‌కూ ఎంత దూరం వ‌చ్చారో గుర్తుచేసుకోవాలి. చేజార్చుకున్న వాటి గురించి బాధ‌ప‌డేకంటే, సాధించ‌న‌వి త‌లుచుకుని సంతోష‌ప‌డుతూ వుండాలి. 

9. అర్జునుడు :- వ్య‌క్తుల ప్ర‌వ‌ర్త‌న విభిన్నంగా ఎలా ఉంటుంది?

శ్రీకృష్ణ‌భ‌గ‌వానుడు :- క‌ష్టాలున్న‌ప్పుడు నాకే ఇవ‌న్నీ ఎందుకు అనుకుంటారు. వారు సంతోషంగా వున్న‌ప్పుడు త‌న వ‌ల్లే ఈ సంతోషం అని సంబ‌ర‌ప‌డ‌తారు. 

10. అర్జునుడు :- జీవిత‌ల‌క్ష్యాల‌ను చేరుకునే మార్గం ఏంటి?

శ్రీకృష్ణ‌భ‌గ‌వానుడు :- గ‌తం గురించి చింతించ‌కుండా, వర్తమానాన్ని ఆత్మవిశ్వాసంతో వ్య‌వ‌హ‌రించి, భవిష్యత్తు కోసం భయపడకుండా సిద్ధం కావ‌డ‌మే జీవిత ల‌క్ష్యాల‌ను చేరుకునే మార్గం. 

11. అర్జునుడు :- కొన్నిసార్లు నా ప్రార్థనలు ఫ‌లించ‌క‌పోవ‌డానికి కార‌ణం? 

శ్రీకృష్ణ‌భ‌గ‌వానుడు :- నాపై మీరు విశ్వాసం పెంపొందించుకుని భయాన్ని వీడాలి. జీవితం ఒక ర‌హ‌స్యం... పరిష్కరించడానికి అది సమస్య కాదు. ఎలా జీవించాలో తెలిస్తే జీవితం అద్భుతంగా ఉంటుంది.