రాహువు కేతువు

రాహువు కేతువు

రాహువు కేతువు జ్యోతిషంలో ఇవి చాయా గ్రహాలు. ఇవి అపసవ్యమార్గంలో ప్రయాణిస్తాయి. రాహువు దశాకాలం జాతకంలో పద్దెనిమిది సంవత్సరాలు కేతువు దశాకాలం జాతకంలో ఏడు సవత్సరాలకాలం. రాహువు విషం, విషజ్వరాలు మొదలైన వాటికి కారకుడు. కేతువు రణములకు కారకుడు. జాతక చక్రంలో రాహుకేతువులకు ఇల్లు లేదు. రాహువు సూర్యచంద్రులతో కలిసినప్పుడు సూర్యగ్రహణం. కేతువు సూర్య చంద్రులతో కలసినప్పుడు చంద్రగ్రహణం ఏర్పడతాయి. రాహుగ్రహ నక్షత్రాలు ఆర్ధ్ర, స్వాతి, శతభిష ఈ నక్షత్రజాతకులకు రాహుదశా శేషంతో జన్మిస్తారు. కేతువు నక్షత్రాలు అశ్విని, మఖ, మూల నక్షత్రాలలో జన్మించిన వారు కేతుదశా శేషంతో జన్మిస్తారు. రాహువు కేతువు నక్షత్రాలైన అశ్విని, మఖ, మూల నక్షత్రాలలో సంచరిస్తున్నప్పుడు దారుణమైన దుర్ఘటనలు సంభవిస్తాయి. రాహువు ఆర్ధ్ర మూడు, నాలుగవ పాదాలలో సంచరించే సమయాన ఆరోగ్య సమస్యలు, చెడు అలవాట్లు ఉత్పన్నమౌతాయి. స్వాతి నాలుగు పాదాల సంచారం ఆరోగ్య సమస్యలు సృష్టిస్తాయి. శతభిష రెండవ పాదసంచారంలో కోపం, మూడవ పాద సంచారం కాలేయ సమస్యలు ఉత్పన్నమౌతాయి. కేతువు అశ్విని మూడవ పాదంలో, మఖ ఒకటి, రెండు, మూడు పాదాలలో, మూల ఒకటి రెండు పాదాలలో ఉన్నప్పుడు ఆరోగ్య సమస్యలు ఉత్పన్నమౌతాయి. రాహు శుక్రుల కలయిక కళారంగ ప్రవేశానికి అధికంగా దోహదం చేస్తుంది. రాహుశుక్రులు దశమ స్థానంలో ఉన్నప్పుడు ఇది సంభవం. అలాగే రాహువు కేంద్రంలో ఉండి గురుగ్రహ దృష్టి అంటే అయిదవ, తొమ్మిదవ దృష్టి కలిగిన రాజయోగం, సంఘంలో గౌరవ మర్యాదలు ఇస్తాడు. పన్నెండులో రాహువు చక్కని తెలివితేటలు ఇస్తాడు. అలాగే కేతువు ఆరులో ఉన్నప్పుడు కీర్తి, భవిష్యజ్ఞానం కలిగిస్తాడు. రెండవ స్థానంలో ఉన్నప్పుడు మార్కెట్ వలన లాభాలు కలిగిస్తాడు. పదకొడులో ఉన్న కేతువు లాటరీల ద్వారా ధనం ఇస్తాడు. జాతక చక్రంలో రాహు కేతువుల మద్య గ్రహములు చిక్కు పడడం కాలసర్ప దోషంగా పరిగణిస్తారు. కాలసర్ప దోష నివారణకు కాళహస్థీశ్వర దర్శనం అక్కడ చేసే పరిహారం నివారణగా భావించబడుతుంది. రాశి చక్రంలో రాహుకేతువులు పద్దెనిమిది మాసముల తరువాత అపసవ్య మార్గంలో రాసి మార్పు జరుగుతుంది. రాహుకేతువుల ఒక పరిభ్రమణ కాలం పద్దెనిమిది సంవత్సరాలు. రాశి చక్రంలో రాహుకేతువుల మద్య సరిగ్గా ఏడు స్థానాల దూరం ఉంటుంది. రాహుకేతువులు చాయా గ్రహాలు కనుక ఏరాశి అందు ఉన్న ఆ రాశ్యధిపతి ఫలితాలు ఇస్తారు. రాహువు స్థానాలు

 1. ప్రధమ స్థానమైన లగ్నంలో రాహువు ఉన్న సహాయగుణం కలవారుగా ఉంటారు, ధైర్యవంతులు, ముఖం మీద మచ్చలు ఉన్నవారుగా ఉంటారు.

2.రాహువు ద్వితీయ స్థానంలో ఉంటే నల్లని చాయగలవారు, వివాహేతర బంధములందు ఆసక్తి కలవారుగా ఉంటారు.

3. తృతీయ స్థానమున ఉన్న క్రీడాకారులు, ధనవంతులు, సాహసికులు ఔతారు.

4. చతుర్ధ స్థానమున ఉన్న బహుభాషా కోవిదులు ఔతారు. తల్లికి కష్టాలు, విద్యలయందు ఆటంకం కలిగిస్తాడు.

5. పంచమ స్థానమున ఉన్న రాహువు కౄర స్వభావం, గర్భ సమస్యలు కలిగిస్తాడు.

6. షష్టమ స్థానమున రాహువు ఉన్న జాతకుడు పెద్ద బంధు వర్గం కలవాడు, శత్రు రహితుడు ఔతారు. 

7. సప్తమ స్థానమున ఉన్న రాహువు మంచి భోజనం కళత్రానికి సమస్యలు మధుమేహవ్యాధికి కారకుడు ఔతాడు.

8.అష్టమ స్థాన రాహువు పోట్లాడే గుణం, సంకుచిత మనస్థత్వం కలిగిస్తాడు.

9. నవమ స్థానమున ఉన్న రాహువు పిరికితనాన్ని, తండ్రికి కష్టాలు కలిగిస్తాడు.

10. దశమ స్థానమున రాహువు ఉన్న జాతకుడు కళాకారుడు, యాత్రికుడు, రచయిత ఔతాడు.

11. ఏకాదశ స్థానమున ఉన్న రాహువు ధన సంపద, సంఘంలో గౌరవం మర్యాద కలిగిస్తాడు.

12. ద్వాదశ స్థానమున ఉన్న రాహువు తాత్విక చింతన కళ్ళ జబ్బులు కలిగిస్తాడు.

కేతువు స్థానాలు 

1.లగ్నంలో ఉన్న కేతువు అధిక స్వేదం కలిగించుట, చక్కటి ప్రజాసంబంధాలను కలిగిస్తాడు.

2.ద్వితీయంలో ఉన్న కేతువు ముక్తసరిగా మాట్లాడటం, శాంతస్వభావం కలిగిస్తాడు.

3.తృతీయస్థానంలో కేతువు ఉన్న జాతకుడు కీర్త్రి ప్రతిష్టలు శక్తిమంతుడిగా ఉంటాడు.

4.చతుర్ధస్థానంలో ఉన్న కేతువు గొడవలు పడే మనస్తత్వం కలిగిస్తాడు.

5.పంచమ స్థానంలో ఉన్న కేతువు సంతానానికి కీడు, 

6.స్థానంలో కేతువు మాటకారితనం కలిగిస్తాడు.

7.సప్తమ స్థాన కేతువు కళత్రానికి సమస్యలు కలిగిస్తాడు.

8.అష్టమ స్థాన కేతువు నిదాన స్వభావం కలిగిస్తాడు.

9. నవమ స్థానంలో ఉన్న కేతువు చత్వారం మంచి భాగస్వామిని ఇస్తాడు.

10.దశమ స్థానంలో ఉన్న కేతువు తాత్విక చింతన కలిగిస్తాడు.

11.ఏకాదశ స్థానమున ఉన్న కేతువు ధన లాభం, హాస్య స్వభావం కలిగిస్తాడు.

12.ద్వాదశ స్థానమున ఉన్న కేతువు విదేశయానం కలిగిస్తాడు.