అష్టకష్ణాలకే అష్టదరిద్రాలని పేరు

*అష్టకష్ణాలకే అష్టదరిద్రాలని పేరు.*

(1) దాస్యం.సంపదలు కోల్పోయి ఇతరుల వద్ద దాసీగా / దాసుడుగా చేరి బ్రతకడం.

(2) దరిద్ర్యం. దరిద్ర్యమంటే డబ్బులేకపోవడమే కాదు. ఆదుకొనే సంతానం, బంధువులు, మిత్రులు, పాలకులు, భృత్యులు లేకపోవడం కూడా.

(3) భార్యావియోగం. భర్తవియోగం కూడా. భార్య పైన ఆధారపడిన భర్త, ఆ భార్య గతిస్తే ఎక్కువరోజులు బ్రతికిన దాఖలాలు బహుతక్కువ.

(4) తప్పు చేయడం.అంటే దొంగతనం, జూదం, వ్యభిచారం, అబద్ధాలు చెప్పడం, మత్తుపదార్థాల వినియోగం మొదలైనవి.వ్యసనపరుడిగా మారడం.

(5) బిక్షాటన. సప్తవ్యసనాలకులోనై సర్వం పోగొట్టుకొని విధిలేక పూలమ్మినచోటే కట్టెలమ్మడమన్నమాట. అడుక్కుతినడం.

(6) ఏ ప్రయత్నం చేయకపోవడం.అంటే కార్యం ప్రారంభించకుండా సోమరిగా తిరగడం.

(7) అప్పు. వ్యసనాలకు బానిసై విపరీతంగా బుుణాలు పొంది ఆస్తులను,గౌరవాలను పోగొట్టుకోవడం.

(8) వ్యాధి. ఏ రోగాన్ని కూడా శరీరం భరించలేదు. రోగాన్ని నిర్లక్ష్యం చేస్తే అది ధీర్ఘరోగమై కృంగికృశింపచేస్తుంది. సంపదలు హరించుకుపోతాయి.