సంతానం గురించి పంచమ స్థానం

జ్యోతిషశాస్త్ర రీత్యా సంతానం గురించి పంచమ స్థానం చెపుతుంది.పంచమాధిపతి రాశి, నవాంశ లలో ఉచ్చ, స్వక్షేత్ర, మిత్ర స్ధానాలలో ఉన్న లేదా ఆధిపత్య శుభులతో కలిసిన లగ్నాత్తు కేంద్ర కోణములలో లేదా లాభ స్థానము లలో ఉన్న పితృ ఋణం తీర్చే సంతానం కలుగుతుంది. అదే దానికి వ్యతిరేకంగా ఉన్న అంటే పంచమాధిపతి నీచ,శతృ స్థానములలో రాశి నవాంశ లలో ఉంటే పగసాధించే సంతానం తల్లిదండ్రులను బాధించే సంతానం కలుగుతుంది.ప్రస్తుతం చాలా మంది 3,4 పిల్లలు ఉండి కూడా అనాధ ఆశ్రమంలో జీవిస్తున్నారు.ఇలాంటి సంతానం పూర్వజన్మలో వీరి మీద ప్రతీకారం తీర్చుకునే ఉద్దేశం తోనే పుట్టినవారు... వీరు...

పుత్రులు ఏడు రకాలుగా జన్మిస్తారు.........!! 1) పూర్వ జన్మలో తన సొమ్మును దాచమని ఒక వ్యక్తికి ఇచ్చి, అది తీసుకోకుండానే మరణించిన వాడు, తాను దాచిన సొమ్ము తీసుకోవడానికి ఆ ఇంట్లో పుత్రుడుగా జన్మిస్తాడు.

2) తాను పూర్వ జన్మయందు బాకీపడిన అప్పును (ఋణాన్ని) చెల్లించుటకు పుత్రుడుగా జన్మిస్తాడు. 3) పూర్వ జన్మలోని శత్రుత్వం తీర్చుకోవడానికి ఈ జన్మలో పుత్రునిగా జన్మిస్తాడు.

4) పూర్వ జన్మలో తనకు ఒకడు అపకారం చేసాడు. దానికి ప్రతీకారం తీర్చుకోలేదు. ఈ జన్మలో ప్రతీకారం తీర్చుకోవడానికి అపకారం చేసినవాడికి పుత్రునిగా జన్మిస్తాడు.

5) పూర్వ జన్మలో తాను అనుభవించిన సేవ - సుఖములకు బదులు తీర్చడానికి పుత్రునిగా జన్మించి తల్లిదండ్రులకు సేవ చేస్తాడు.

6) పూర్వ జన్మలో తాను ఏ వ్యక్తి నుండి ఉపకారం పొందుతాడో, ఆ ఉపకారానికి బదులుగా ఉపకారం చేయుటకు పుత్రునిగా జన్మిస్తాడు.

7) ఏమీ ఆపేక్షించనివాడు కూడా పుత్రునిగా జన్మించి, తన విధులను తీరుస్తాడు. ఇలా పుత్రులుగా జన్మించినవారు కర్మానుసారముగా తమ పనులు పూర్తికాగానే మరణిస్తారు, లేదా దీర్ఘకాలం జీవించి ఉపకారం

చేయడమో, ప్రతీకారం తీర్చుకోవడమో చేస్తారు. కేవలం పుత్రులే కాదు, భార్య - భర్త - సోదరుడు - పనిమనిషి - ఆవు - కుక్క మొదలైన పశువులు కూడా కర్మరుణం తీర్చుకోవడానికి మనతో ఉంటారు. ఋణము తీరగానే వదిలి వెళ్ళడమో, పరలోకానికి చేరడమో జరుగుతుంది.