జ్ఞానప్రసూనాంబికా నవరత్న మాలికా స్తుతిః*

*శ్రీకాళహస్తి క్షేత్రస్థ జ్ఞానప్రసూనాంబికా నవరత్న మాలికా స్తుతిః*

శ్రీ నరకంఠీరవ శాస్త్రి విరచితమ్

శ్రీనాకనాథముఖనానాసహస్రసురసేనాగ్రమౌలివలభీ-

సూనావలీబహులలీనాలినీమధురగానాంచితాంఘ్రినలినా

మానాతిలంఘిమహిమానాదిరానతజనానామనేకఫలదా

జ్ఞానాoబికా భవతు దీనావనీ కుశలదానాయ మే భగవతీ  ll1ll

రాకాశశాంకరుచిరాకారచారుపతదాకాశసింధులహరీ-

నీకాశసూక్తిసరణీకారిణీ ప్రకృతిమూకాత్మనామపి నృణాం

పాకాహితప్రముఖనాకాలయప్రకరశోకాపనోదనచణా

శ్రీకాలహస్తినగరైకాయనావతు పినాకాయుధస్య దయితా ll2ll

శ్రేణీభవద్దివిషదేణీదృగుల్లసితవేణీపినద్ధసుమనో-

ద్రోణీమరందరసవేణీప్రసారభృశశోణీకృతాంఘ్రికమలా

శ్రోణీనటత్సరకృపాణీమనోజ్ఞఘనవేణీ కృపార్ద్రహృదయా

క్షోణీధరేంద్రతనయాణీయసీమపి చ వాణీం ప్రగల్భయతు మే ll3ll

కేలీసమాకలితతాలీదలశ్రవణపాలీవిభూషణమణీ-

పాలీ మదోద్ధతమరాలీగతిర్దింశతు నాలీకదీర్ఘనయనా .

చూలీతలాభరణనాలీకవైరిశకలాలీభవత్సురవధూఃఽ

కాలీ గిరం మృదు మృణాలీభుజా మమ మధూలీరసోర్మిమధురాం ll4ll

హృద్యానవద్యతరగద్యానుబద్ధమృదుపద్యాభిరూపకవితాం

దద్యాజ్జగన్మహితవిద్యాం త్రయీశిఖరవేద్యా హిమాద్రితనయా 

ఆద్యా పరా మమ శరద్యామినీశభృదవిద్యావిలాసశమనీ

విద్యాధరీ సమభివాద్యా జ్వలన్మణినిషద్యాయమాణరశనా ll5ll

హాలామదాకలితహేలాలసద్బహులలోలారుణాక్షియుగలీ

లీలాపినద్ధసురసాలావలీప్రసవమాలాసుగంధచికురా .

కైలాసనాథహితశీలా కరాంచితశుకాలాపలోలహృదయా

వేలాతిలంఘిశుభజాలాయ మే భవతు శైలాధినాథతనయా ll6ll

చండాపదానయుతచండాభిధాసురపిచండావదారణచణా

భండాసురోగ్రభుజదండాగ్రనిర్దలనశౌండాయుధోద్ధతకరా

శుండానుకారికరకాండావదీర్ణజగదండాట్టహాసభయదా

దండాయుధాయ శశిఖండావతంసితశిఖండా న చార్పయతు మాం ll7ll

హుంకారనిర్గలదశంకాపతద్విషదహంకారమారతిమిరాం

అంకాంతలంబిసి తక్ఙ్కాలహార సదలంకారబంధురగలాం .

హ్రీంకారిణీం భయదటంకారకార్ముకకరాం కాలహస్తినిలయాం

పంకాపహామపకలంకావతంసహరిణాంకాం భజే భగవతీం ll8ll

కంఠారవోద్యదుపకంఠారిదుర్విషహకంఠీరవేంద్రగమనో

త్కంఠా నికామశితికంఠానుకర్షికలకంఠానులాపలలితా

శుంఠీభవద్దనుజకంఠీరవప్రకరకుంఠీకృతిక్షమబలా

కుంఠీకరోతు నరకంఠీరవాఖ్యకవికంఠీరవస్య దురితం ll9ll