గర్భిణీలు తీసుకోవలసిన జాగ్రత్తలు - లాస్య రామకృష్ణ
గర్భిణీలు తీసుకోవలసిన జాగ్రత్తలు - లాస్య రామకృష్ణ గర్భం దాల్చిన మొదటి మూడు నెలలు మీ పాపాయి అవయవాల ఎదుగుదలకు ఎంతో కీలకమైనవి. మద్యం, ఔషదాలు అలాగే డ్రగ్స్ వాడకాలలో గర్భదారణ సమయం లో చాలా జాగ్రత్తలు పాటించాలి. గర్భిణీలు తరువాత ఎటువంటి జాగ్రత్తలు తీసుకోవాలో ఈ కింద వివరించబడ్డాయి. కడుపులో మీ పాపాయి ఎదుగుదల సరిగ్గా ఉందో లేదో ఎలా తెలుసుకోవాలో కూడా వివరించడం జరిగింది. చేపలు మరియు సముద్రపు ఆహారం ( సీ ఫుడ్) చేపలు మరియు సముద్రపు ఆహారం తక్కువ కొవ్వు కలిగిన ఆహారం. అంతే కాకుండా, విలువైన పోషకాలు కలిగిన ఆరోగ్యకరమైన ఆహారం. అయినప్పటికీ గర్భిణీలు పాదరసం యొక్క స్థాయిలు ఎక్కువగా ఉండటం వల్ల కొన్ని రకాల చేపలు మరియు సముద్రపు ఆహారానికి దూరం గా ఉండాలి. చేపలని ఎంచుకునేటప్పుడు జాగ్రత్తగా ఎంచుకోవాలి. కెఫైన్ భయము, ఆందోళన, గుండెదడ, నిద్ర లేమి వంటి సమస్యలు కెఫైన్ వల్ల కలుగుతాయి. గర్భస్థ శిశువుపై కెఫైన్ ప్రభావం పై ఇంకా పరిశోధనలు జరుగుతూనే ఉన్నాయి. కొందరి శాస్త్రవేత్తల అభిప్రాయం ప్రకారం నెలలు నిండకుండా పిల్లలు పుట్టే అవకాశం ఉంది. జనన లోపాలు కలిగే అవకాశం కలదు. ఆహరం మరియు పానియాల్లో కెఫైన్ లేనివి ఎంచుకోవాలి.